سيجارة مرلبورو احمر مش مخززة و فنجان قهوة بوش و محمد منير قلبة برج حمام . بتشتى برة (بتشتى اسكندرانى) بس انا دفيان منغير هدوم كتيرة . لسة فى حجات حلوة!!! :)

ممكن حاجة عبيطة تفرحنى قوى , يعنى لمل اقوم يوم اجازة و انا عارف انى هفطر اكل انا بحبة يبقى الواحد قايم دماغة موزونة و ميت فل و عشرة. و سعات برضة حاجة عبيطة تطلع على الواحد و ديمن كل حاجة تاثرها بيضاعف وقت النوم. قبل ما انام كل الحجات الى مديقانى تطلع على و كل الحاجات الكويسة برضة تطلع.

   read more »

اية اكتر حاجة بتخاف منها ؟

سؤال غبى جدا لا اجد لة اجابة لكن محاولة منى لعدم الاخلال بالجو الحميمى مع اشخاص بالكاد اعرفهم و بالكاد يعرفونى . نحاول التقرب من بعض يتصنع احديث عميقة ,لاننا مثقفون  (او مثقفين لا اعلم الاعراب الصحيح) علينا الفزلكة على بعض . قام زملاء اللعبة بدورهم فى الفزلكة و الاجبات جائت عميقة على المستوى المطلوب و سريعة مما يبدوا انهم لعبوا هذة العبة من قبل فكل شخص يعرف كيف يجيب و كيف يقنع .

واقعين لم اجد شئ اخافة على الاقل وقتها لم اجد ما اخاف منة لكن نعود الى الجزء المتعلق بمحاولتى لعدم الاخلال بالجو الحميمى. اجبت السؤال محاولا ان ابدو مقنع , بدى لى انة من العنجهية ان اقول انى لا اخاف شئ. لكنى لم اكن مقنع , واضح جدا فى الابتسامة الصفراء انى غير مقنع . و لانى كسرت جو الحميمة و الكلام مات بعدها و تفرقت الجلسة فكرت اكثر كن مرة فيما سأقول اذا طرح السؤال مرة اخرى.

لكن الايام تتغير الذى لم يكن يخاف شئ يخاف صوت دربكة خارج باب منزلة او اى صوت فى غير محلة . هل هناك اخر لا يخاف شئ و كيف كان الشخص لا يخاف ؟

 read more »

السؤال الهام و المصيرى الان التعدلات الدستورية هتنجح بكام فى المية؟

99.9% -97% علشان تدخل طب.

93%-97% علشان تدخل هندسة.

88% -93% علشان تدخل تجارة انكليش.

83%- 88% و فى الحالة دية تدخل معهد قطن.

الست الدكتورة , فى الواقع هى محامية بتدينى فصل اسمة "اخلاقيات فى الادارة" انا بعانى من اول ما بدات الفصل دة رغم انة معمول على شكل نقاشات كل مرة تطرح موضوع اخلاقى للنقاش . انا فى الاول تحمست جدا للفكرة, نقاش بقى و تفلسف حجات من بتاعت زمان دية .  read more »

اشار من نافذة الطائرة : دية منطقة عسكرية , ثكانات جيش.

فاجاب صوت من المقعد خلفنا: جيش اية يا عم هى مصر بقى فيها جيش , دة امن مركزى.

اليوم اتلخبط فى فانوس عربية, لدى هواية معرفة العربيات من شكل نور الفانوس فى الظلام او من صوت المحرك.من الواضح انى فقد المهارة .كانت buick و تخيلت انها vectra و لوهلة من الزمن تسائلت اين انا ؟ لم اعد اعرف فلا يوجد اى انواع من الopel هنا هل عدت الى الاسكندرية ام انا فى النمسا؟ اسكندرية هاهاهاهاهاهاهاها

فاكر لما شديت مع راى على البحر و العربية كانت هتتقلب فى دوران ستانلى, يمها حلفولى ان العجل طلع دخان ........ساعة الفطار فى رمضان الى قبل الى فات لما ميشو بيكسر على ولقيت مرة واحدة سواق تاكس بيغير فاردة نايمة فى الضلمة و فى اول ملف سيدى جابر علشان محدش يشوفوا.تيل الفرامل بتاع ماجد دة حكايى لحد النهردة ما شفت زية,كان غالى جدا بس فعلا مشفتش زية, ولا حتى الABS, يستاهل........يوم لما قرارت اوصلهم مكنتش لسة جبت عربية عملت فيها دكر بس ماقلتش لابوية انا ريح فين اقنعتة ان امى عايزة حجات من السوق و محتاج العربية علشان اجبها و طبعا طاير رايح راجع علشان الحق اوصل الواد راى كان قاعد فى الدواسة.ويوم ما كنت راجع من الشيخ على ماجدى كان قاعد جنبى يقولى فى عربية على ايدك الشمال فى واحدة على ايدك اليمين خلي بالك عربية ادامككككككك.اول لما مينا جاب اول عربية كانت عايزة جوان وش سلندر وشد مع musting الواد حرق العجل , عربيتة كان عليها تربو تشرج بطلع 280hp بس على مين ,طبعا كنا هنطير من العربية بس عادى. قبل مسافر لما اسطوانة الدبرياج شيعت و بعت هشام يجيب مفتاح 12 و مشتها لحد ماجد يمها جابر قلى" ماشاء الة عليك يا ابنى بلية" .عربية جدى المرسيدس و دية عندوا اغلى من نص عيالة ختها مرة من غير ما يعرف عملت بيها خمستين و رجعتها كانت اول مرة اسوقها رائعة.مرة واد طليانى معاة كامرو غلس على ادم وكانت البفة كلها نزلة 15 نفر وكان يوم امة اسود.اةةةةةةةة  read more »

I would never consider my self a good listener, my problem is I always feel a need to jump to the conclusion. That’s a terrible thing when you’re a student because I can’t imagine the idea of listening to some one for 90 minuets in order to get to my loved conclusion. When I was a kid I used only to memorize the conclusion, combine it with my general information and voila that’s how I replay in the exams or to the teacher’s question. Of course some of the question I never read about it before; so I have no answer and some others I read too much so I have information more that you can find in the school book .It was going well actually until my science teacher notice it he said “you only memorize the conclusion then you use your information but you never study from the book” witch was am unforgiving sin in the Egyptian education system. He told my mother, my father so they asked me why I am doing that. My answer was the school education is useless the subjects are not up-to-date, not deep enough for the important and interesting subject therefore I stopped studying and focus more about reading; that gives me the opportunity to select what I like to know about and ignore what never attract me . My father surprised: so you r not studying any more?  read more »

رغم انى لم ارها اوراقى لانى اتشائم منها عندما تراها , ولاكن سمعت نفس الجملة "انا بئولك هيخدوك , هاتشوف" كل مرة اسمع نفس التشجيع الاقى نفس النتيجة. و انا اعرف النتيجة ,اصف نفسى دائما انى لا متشائم ولا متفائل انا اشعر بالنتيجة . و الشعور بالنتيجة قد يصنف تفائول او تشائم .

ماذا تتوقع من المواطن المصرى العادى لو قام السودانيون بتفجير برج القاهرة. لك ان تتخيل ما فعلة فيهم الامن عندما اعتصموا دون ان يؤذوا احد . فلماذا تغضب من تلك النظرة فى اعينهم عندما يسالوا الاسكندرية اين بنسلفانيا؟ و تجيب باعتزاز و فخر كما يليق بواطنى مثلك لا الاسكندرية مصر!  read more »

وانا فى الاعدادية لا اذكر اى سنة تحديدا , كنت مروح مع رامى بعد انتهاء انتخبات مجلس الفصل. كان نازل فى اللجنة الرياضية يمكن لانها الحاجة الوحيدة الى ليها لذمة ,دورى بقى واجتمعات ورايس اللجنة يحط الخطة السرية و يختار زى الفريق و كل الكواحيل و النص نص يمسحولوا جوخ علشان يلعبوا المتش الجاى.......كانت عملة زى مجلس الشعب .وكان واحد اسمة احمد , شاب حيلوة كدة نازل ادام رامى. احمد كسب – مش علشان اخوان. الصراحة الواد رامى كان ابعد ما يكون عن الرياضة وقتها يمكن تعرفه على انة كتلة لحم اكتر من اى حاجة تانية . طول عمرة بيطلع اول الفصل وعادى الفصل لازم يتنفخ من الدحيح. المهم انا كنت بتنفخ من الرياضة و اللجن و العك دة كلوا فا الانشطة مش فارقة معايا .  read more »