المدير بتاعى عايزنى احضر تدريب عن تشغيل المكن و الامن الصناعى و الذى منة . و كالعادة انا ما بركزش مع مدرس عمال يرغى فكنت بطلع حجج علشان اهرب من التدريب . النهردة كنت فاضى و معنديش حاجة اعملها فقرارت اروح اشوف اية النظام . القعدة كانت علشان تعلم المتدربين كيفية تدريب الاخرين . يعنى بيعلموا العمال الى عندهم خبرة المهرات اللى تساعدهم يعلموا العمال الجداد رغم ان الموضوع ملوش علاقة بية ولا من قريب ولا من بعيد بس قعت اسمع . طبعا الى قاعدين مجموعة من الاقليات اتنين زنوج واحد روش و التانى فى حالة و ماشى جنب الحيط , وحدة ست خمسينات كدة, لاتينى اظن من لكنتة انة من بيروة , سودانى من الجنوب و امريكانى ابيض طيب و جدع , و مدير وردية لسة مترقى قريب و دة مخلية مرتبط لسة بالعمال بتوعة.

 السبب انهم يعلموا العمال اساسا ان ناس كتير بتسيب الشغل لان الشركة بتعتمد بشكل كبير على العمالة المؤقتة لانها ارخص طبعا و مبتكلفش تأمينات و الذى منة. و دة الى غايظ العمال ومخليهم مش طيقين التدريب . هما بيدربوا علشان يسعدوا على تظبيت وضع هما اتأذوا منة فى وقت .الوضع المثالى اذا الى الادارة بدور علية : حبة قليلة من العمالة الثابتة عرفة الشغل كويس و تعرف تعلم الناس التانية. و امم بقى بتيجى تبع وكلات التشغيل معندهمش خبر عن حاجة ودول تكلفتهم قليلة.

الى شدنى انهم فهمين اللعبة كويس حتى المدير الجديد بيشم فى مدير مديرة علشان الوضع دة. الاسود الروش و الست البيضة قالوا اكتر من مرة هما بيعموا كدة علشان يزدادوا غنا و احنا بنذيد فقر برضوا. كان ععندى تخيل ان القوة العملة سعيدة بالرأسمالية و الفوائد الى عيشين فيها لكن واضح ان العامل فى اى مكان عندة مطالب مبتتحققش و امال لا تنال. و برضوا الادارة بتحتاج عمال تنين علشان تصيطر على قطاع اكبر من العمال.